skip to main |
skip to sidebar
بسم الله الرحمن الرحيم
السلام عليكم ورحمة الله وبركاته
حقيقةً التصوير شيء ممتع جدا جدا وهيحس بكده أكتراللي بيحب الصور و بالأخص اللي بيحب التصوير, الصور في بعض الأحيان بتحمل معاني كتيرة جدا قد يكون من الصعب ان الكلمات تعبر عنها, وقد يكون هناك صورة لا توجد في الدنيا كلمات تستطيع وصفها, وقد تحمل الصورة رسالة لا يجيد الحديث ولا الكلمات صياغتها بالإبداع والدقة التي تصيغها الصورة.
والصور ايضا تحمل الكثير والكثير من الذكريات, لحظات مع الاهل, مع الأصدقاء مع الأقارب, مع الحاضر ومع الغائب, مع من تركنا وعز علينا فراقهم, فتأتي الصورة لتعيد هذه الذكريات بحلوها ومرها, فإما ببسمةٍ نقابلها , او بدمعة نواسيها. فيغدو من فارقنا حيٌ بيننا في ذاكرتنا وقلوبنا وعيوننا.
انا اولا يمكن أكون هاوٍ بس مش محترف وإن كان ده شيء بسعي ليه, لكن وبالتأكيد بحب التصوير جدا, عشان كده عملت المدونة دي انشر بعضمن اللي صورته, وأحسن مهارتي في التصوير.
وطبعا الإحترافيه قد تأتي مع التمرين والممارسة لكن الاهم هو عين المصور نفسه لانه هو اللي بيشوف وهو اللي بينقل, فيستطيع ان يبدع مهما كانت الكاميرا او المكان او الزمان.
فإذا كان هناك اي تعقيب او اي نقد ولو بسيط, انا وبلا شك مُرَحِب بيه جدا جدا.
والله المستعان ...
سلام عليكم
(إضغط ع الصورة للتكبير)
(إضغط ع الصورة للتكبير)
